Dhammarasa Project
ဓမ္မပရိယာယဖောင်ဒေးရှင်း
သုတေသနနှင့်တီထွင်ဆန်းသစ်မှု ဖွံ့ဖြိုးရေးအစီအစဉ်
ဓမ္မရသစီမံကိန်း
ယုံကြည်သက်ဝင်မှုများကို အခြေပြု၍ ဖြစ်တည်နေသည့် အစားအသောက်များ၊ စားသုံးမှုဆိုင်ရာ ပုံဖော်ဖန်တီးမှုများ၏ အခန်းကဏ္ဍကို အလေးအနက် ဗဟိုပြု၍ သက်ရှိရပ်ဝန်းအတွင်း ညီညွတ်မျှတသော စားသောက်မှုစနစ်များ၊ ရည်ရှည်တည်တံ့ဖွံ့ဖြိုးရေးကို ရှေးရှုသော စားသုံးမှုပုံစံများနှင့်တကွ ကောင်းမွန်မှန်ကန်ပြည့်၀သော အရသာရရှိနိုင်ရေးတို့ကို ဖန်တီးဖော်ဆောင်မည်ဖြစ်သည်။
ဤလုပ်ငန်းစီမံကိန်းသည် ပရိယတ္တိပညာရေးပိုင်းဆိုင်ရာ ပိဋကတ်ပညာ သင်ယူလေ့လာမှုနှင့် သင်ကြားပို့ချမှုတို့မှ ပေါ်ထွက်လာသော သဘောတရားပိုင်း စမ်းသပ်မှုပိုင်းနှင့်တကွ အသုံးချသုတသနလုပ်ငန်းများ ဖွံ့ဖြိုးတိုးတက်ရေးနှင့် အရည်အသွေး ပြည့်မီစွာ အကောင်အထည် ဖော်ဆောင်မည့် ဓမ္မပရိယာယ Research Projectလုပ်ငန်းကြီး၏ အစိတ်အပိုင်းတစ်ရပ် ဖြစ်ပါသည်။
ဤလုပ်ငန်းတွင် ယုံကြည်သက်ဝင်မှုဆိုင်ရာ အယူအဆများနှင့် ယဉ်ကျေးမှုဓလေ့ထုံးစံဆိုင်ရာ ရှုထောင့်များကို အခြေခံ၍ သက်ရှိရပ်ဝန်းအတွက် သင့်လျော်မှန်ကန်သော စားသုံးမှုပုံစံများ ဖန်းတီးရေးအတွက် အစားအစာနှင့် အာဟာရဆိုင်ရာ သဘောတရားများနှင့်တကွ ကျန်းမာရေးဆိုင်ရာ လိုက်နာကျင့်သုံးမှုများကို ပေါင်းစပ်အသုံးပြုမည်ဖြစ်ပါသည်။
ဤနည်းစနစ်ဖြင့် ယုံကြည်သက်ဝင်မှု၊ ယဉ်ကျေးမှုနှင့် စားသုံးမှုဆိုင်ရာ သဘောတရားများကို အခြေပြု၍ ကောင်းမွန်စစ်မှန်သော အရသာရှိသည့် စားသောက်ကုန်များ ဖန်တီးထုတ်လုပ်နိုင်ရန် ဗုဒ္ဓစာပေလေ့လာရေးကဏ္ဍကြီး၏ သင်ကြားပို့ချမှုလုပ်ငန်းများနှင့် သုတေသနလုပ်ငန်းများကို အတားအဆီး အပိတ်အပင် အကန့်အသတ်မရှိ ကျယ်ပြန့်စွာ အကောင်အထည် ဖော်နိုင်မည်ဖြစ်ပါသည်။
ဓမ္မပရိယာယဖောင်ဒေးရှင်း
လူမှုရေးရာတာဝန်ယူမှုစီမံကိန်းနှင့် ဓမ္မရသစီမံကိန်း
အာဟာရစောင့်ရှောက်မှုလုပ်ငန်း ၂၀၂၅
အရေးပေါ်ကယ်ဆယ်ရေးနှင့် လူသားချင်းစာနာထောက်ထားမှုအကူအညီ
လုပ်ငန်းအနေအထား
သဘာ၀ဘေးအန္တရယ်ကြောင့် ဖြစ်ပေါ်လာသော လူနှင့်လူပတ်ဝန်းကျင် ထိခိုက်ပျက်စီးမှုများအကြား အရေးပေါ်ကယ်ဆယ်ရေးနှင့် လူသားချင်းစာနာထောက်ထားမှုအကူအညီ လုပ်ငန်းများအဖြစ် အာဟာရပြည့်၀ရေးစောင့်ရှောက်မှုလုပ်ငန်းကြီးကို အကောင်အထည်ဖော် ဆောင်ရွက်မည်ဖြစ်သည်။
ဤလုပ်ငန်းစီမံကိန်းသည် သုတေသနတီထွင်ဆန်းသစ်မှုဖွံ့ဖြိုးရေးအစီအစဉ်နှင့် သုတေသနဦးဆောင်မှုနှင့်ကွန်ယက်အစီအစဉ်များဆိုင်ရာ လူမှုရေးရာတာဝန်ယူမှုစီမံကိန်းနှင့် ဓမ္မရသစီမံကိန်းလုပ်ငန်းကြီးများ၏ အစိတ်အပိုင်း တစ်ရပ်ဖြစ်ပါသည်။
လုပ်ငန်းဆောင်ရွက်မှု
ထိုလုပ်ငန်းတွင် သဘာ၀ဘေးအန္တရယ် ကျရောက်လာသည့်အခါ အစာရေစာငတ်မွတ် ခေါင်းပါးမှုနှင့် အာဟာရမပြည့်၀မှု လျော့ပါးရေးလုပ်ငန်းများ၊ အစာအာဟာရ မချို့တဲ့စေရန် ကြိုတင်ပြင်ဆင်ခြင်းနှင့် ကာကွယ်ခြင်းလုပ်ငန်းများ၊ အာဟာရချို့တဲ့မှုများကို ပံပိုးထောက်ပံ့ရေးနှင့် အရေးပေါ် တုံ့ပြန်ဆောင်ရွက်ရေးလုပ်ငန်းများ၊ ပြန်လည်ထူထောင်ရေး လုပ်ငန်းများဆိုင်ရာ စီမံခန့်ခွဲမှုလုပ်ငန်းများကို အချိန်နှင့်တပြေးညီ ကူညီဆောင်ရွက်မည်ဖြစ်ပါသည်။
မျှော်မှန်းချက်
ရည်ရှည် ဖွံ့ဖြိုးတိုးတက် ငြိမ်းအေးချမ်းမြသော လောကဝန်းကျင် ဖြစ်ထွန်းပေါ်ပေါက်စေရန် ကရုဏာပညာဦးစီးသော လူသားခြင်းစာနာထောက်ထားမှုနှင့် လူမှုရေးတာဝန် ၀တ္တရားများဆိုင်ရာ လုပ်ငန်းကြီးများအဖြစ် ငတ်မွတ်ခေါင်းပါးမှု ပပျောက်ရေးနှင့်တကွ အာဟာရပြည့်၀စွာ သုံးဆောင်နိုင်ရေးလုပ်ငန်းကြီးကို ခွဲခြားကန့်သတ်မှုမှုမရှိ ကျယ်ပြန့်စွာ အကောင်အထည် ဖော်နိုင်မည်ဖြစ်ပါသည်။
Latest News
